നിലാവിൻ തോണി

നിലാവിൻ തോണിയിൽ ഞാൻ, കിനാവിൻ തീരത്തെത്തി 

ചിരാഗിൻ വെട്ടത്തിൽ ഞാൻ, നിന്നെ തേടുവാനായി 

ഇരവിൽ തേടിയത് ഞാൻ, പകലിൽ കൈവെടിഞ്ഞതോ
ഭ്രമമായി മാറിയതൊന്ന്. നിനവായി മറഞ്ഞതാണോ 

പറയാൻ പിടഞ്ഞ മൊഴികൾ, ഹൃദയം തടഞ്ഞതാണോ 
ജനലരികിൽ കണ്ട നിഴൽ, മനസ്സിൻ ചെയ്തിയാണോ 

നിലാവിൻ തോണിയിൽ ഞാൻ, കിനാവിൻ തീരത്തെത്തി 

മഴയിൽ നിറഞ്ഞ മിഴികൾ, പുഴയിൽ പെയ്തിറങ്ങി
ഉയരാൻ വെമ്പിയ പട്ടം, നൂലിൻ പിടിയിൽ ഒതുങ്ങി
ഇരവിൽ പോകേണ്ട വഴിയോ, എങ്ങോ പോയി മറഞ്ഞു

നിലാവിൻ തോണിയിൽ ഞാൻ, കിനാവിൻ തീരത്തെത്തി 
കിനാവിൻ തീരത്ത് ഞാൻ, ചിരാഗിൻ നാളം കെടുത്തി, ചിരാഗിൻ നാളം കെടുത്തി

Song link